Traballu. Usb: "Tra Giunta e confederalis ddoi est un'acórdiu senz''e ideas e risorsas"

(IlMinuto) - Casteddu, 15 de su mes''e argiòlas - "No si cuprendit poita is confederalis apant firmau unu documentu búidu de ideas, propostas e risorsas". Sighit sa polémica de atesu tra Usb-Rdb e Cgil, Cisl e Uil po s'acórdiu tra sa Giunta regionali e is sindacaus confederalis de su 4 de su mes''e làmpadas. Cun d'una nota su sindacau de basi denunciat ancora una borta s'inutilidadi de s'acórdiu e fait is partis de s'Rsu Carbosulcis chi in is diris passadas at lissensiau in modu formali is dirigentis de sa miniera.
S'acórdiu - precisat Usb - "torrat a propòniri comenti soluzioni in prus cussa de sighiri su diàlogu tra Regioni e sindacaus, a pustis de is efetus de políticas industrialis fattas po 20 annus: salàrius de fàmini, traballu precàriu, cassa integrazioni, 'morti' industriali e disimpreu".
"S'Unioni Sindacali de Basi - sighit sa nota - afirmat sa lota de is traballantis de sa Carbosulcis e aprovat sa decisioni de lissenziai cussus dirigentis chi no scint dirigi e chi no scint traballai e costruiri soluzionis po donai unu tempus benidori a su craboni de su Surcis in d'unu momentu aundi is risorsas energeticas tenint costus meda artus".