Su dubbiosu tempus benidori po Sa "Conservatoria delle Coste". Is traballantis: "Sa majoria no narat nudda"

(IlMinuto) - Casteddu, 23 de su mes''e argiòlas - Sa "Conservatoria delle Coste della Sardegna" est, po immoi, salva, ma su tempus benidori de s'enti sighit a essi pagu seguru.
S'Agenzia regionali po sa tutela de su litorali sadru at a sighiri difatis a traballai e no at essi prus liada, comentu nau in su prumu momentu in sa manuvra proposta de sa Giunta regionali.
Sa Commissioni Bilànciu in Consillu regionali at difatis liau s'emendamentu chi revidiat sa ganzelladura de sa Conservatoria e de àteras tres Agenzias de sa Regioni.
Is traballantis de sa Conservatoria podint respirai unu pagu e funt prexaus po comenti est finia sa cosa grazias sa campagna fatta po interessai sa genti e chi at "interssau blog, assózius, giornalis e milli e prus de milli ànimas".
Sa sighida de s'atividadi de s'Agenzia - afirmat - sighit perou a essi pagu segura. No est difatis crara "s'intenzioni de sa majoria de ndi liai o de no ndi liai s'Agenzia. Asuba su tempus benidori de sa 'Conservatoria delle Coste' pesat duncas una decisioni no pigada ma, po immoi, scéti lassada stai a un'àteru tempus".