"Più reale del reale": W. Eugene Smith in mostra in s'Exmà de Casteddu finzas a su 26 de su mes''e cabudanni

(IlMinuto) – Casteddu - 27 de su mes''e argiòlas - Esti stetia oberta su 16 de su mes''e argiòlas in is aposentus de su Centru comunali d'arti e cultura Exmà de Casteddu, sa mostra fotografica "Più reale del reale" chi proponit una galleria de casi 150 immàginis vintage de W. Eugene Smith (1918 Wichita, Kansas – 1978 Tucson, Arizona), unu de is protagonistas prus mannus de sa fotogràfia documentaria de su Noixentus.
S'aparada, chi arribat in s'Ísula grazias a su cuntribbutu de s'Assessorau a sa "Cultura" de su Comunu de Casteddu, esti stetia curada de Enrica Viganò e produsia de "La Fábrica" de Madrid.
S'aparizaméntu casteddaiu si cuncentrat po su prus asuba de is famosus reportage pubblicaus po "Life", sa ribista aundi Smith iat traballau de su 1946 a su 1954 otenendu fama internazionali. Fotogràfias e documentus - si podit ligiri in d'una nota de imprenta fatta connosci de is aprontadoris - "acodint de su Center for Creative Photography de Tucson in Arizona".
"In sa mostra no ddoi funt scéti is reportage prus nomenaus e fattus po Life, s'aparada de s'Exmà ammostat puru is traballus dedicaus a sa citadi de Pittsburgh e a Minamata.
Sa mostra s'at a podi bisitai finzas a su 26 de su mes''e cabudanni.