Massaria: Cia "Sa crisi prus manna de is ùltimus 30 annus. Is aziendhas de su cumpartu funt in is manus de is bancas"
(IlMinuto) – Casteddu - 28 de su mes''e argiòlas - "Is bancas funt is beras meris de is aziendhas chi dógnia diri serrant". Est cantu denunciat sa Cia Sardigna, chi cun d'una nota bullat senz''e apellu a sa política fatta de sa Giunta regionali in matéria de massaria.
"Aundi funt - scririt sa Cia - is agiudus apretosus in massaria e 'collegato' a sa manuvra Finanziaria 2010-2013 annunziaus de s'Assessori Prato? Aundi est sa massaria chi torrat in su coru de sa política?".
Is massajus e is allevadoris sadrus, denunciat sa Cia, s'agatant a fac''e una realidadi fatta de dinai liau.
"In Sardigna - acrarat su comunicau - sa lei de assestamentu de bilànciu, in discussioni, previdit tàglius po su 13 po centu de is risorsas chi furiant po sa massaria".
Cali funt is propostas de sa Cia po torrai a fai respirai su cumpartu de sa crisi prus manna de is ùltimus 30 annus? "Po sa massaria sadra serbint - precisat sa Conferazioni - dinai beru e políticas cuncretas. Serbit sa Cuferénzia Regionali de is Massarias e de is realidadis de su satu po decídiri totus impari ita fai".
Sa Cia sadra puntat su didu puru asuba de is sceberus de su Guvernu de Roma. "Funti stetius premiaus - precisat su documentu - scéti is furbus de is multas de su lati, a sa faci de is allevadoris onestus e cun d'unu costu de 1,7 milliardus de eurus".
"Aundi funt - scririt sa Cia - is agiudus apretosus in massaria e 'collegato' a sa manuvra Finanziaria 2010-2013 annunziaus de s'Assessori Prato? Aundi est sa massaria chi torrat in su coru de sa política?".
Is massajus e is allevadoris sadrus, denunciat sa Cia, s'agatant a fac''e una realidadi fatta de dinai liau.
"In Sardigna - acrarat su comunicau - sa lei de assestamentu de bilànciu, in discussioni, previdit tàglius po su 13 po centu de is risorsas chi furiant po sa massaria".
Cali funt is propostas de sa Cia po torrai a fai respirai su cumpartu de sa crisi prus manna de is ùltimus 30 annus? "Po sa massaria sadra serbint - precisat sa Conferazioni - dinai beru e políticas cuncretas. Serbit sa Cuferénzia Regionali de is Massarias e de is realidadis de su satu po decídiri totus impari ita fai".
Sa Cia sadra puntat su didu puru asuba de is sceberus de su Guvernu de Roma. "Funti stetius premiaus - precisat su documentu - scéti is furbus de is multas de su lati, a sa faci de is allevadoris onestus e cun d'unu costu de 1,7 milliardus de eurus".
© RIPRODUZIONE RISERVATA