Doddore Meloni (Malu Entu) "isfidat" a su síndhigu de Terràrba Gian Pietro Pili: "No ses stetiu elígiu po is méritus tuus"

(IlMinuto) - Casteddu, 29 de su mes''e argiòlas - "Personalmenti no tengu nesciuna arrealia po tui, ma sendu stètiu tui elígiu Síndhigu de su pópulu tui po mei ses puru su Síndhigu miu. Nau custu, creu chi s'elezioni tua no siat acuntéssia po is méritus tuus, ma prusatotu po is méritus ausentis de is àteras scuadras políticas". Cun custus fueddus su presidenti de Malu Entu, Doddore Meloni, imbrillat s'"isfida" a su primu citadinu de Terràrba, Gian Pietro Pili. Cun d'una lítera oberta Su leader indipendentista imbidat a Pili, elígiu síndhigu de un'alleànzia de listras cívicas de centrudestra, a unu dibbàtidu púbblicu.
"Bis Gian Pietro - scririt Meloni - a pustis de cussu chi as nau asuba de chini votat a is movimentus indipendentistas, mi seu agatau ingiriau de amigus indipendentistas e de rapresentantis de àterus partidus políticus chi, fatuvatu, mi tirant is mustazus, certendumì po no ai obertu sa buca e po no ai batacollau cantu de tui afirmau".
"Distíntu Síndhigu - concluit su presidenti, si tui acetas custu miu e custu nostru imbidu, seu seguru e cumbintu ca medas citadinus nostrus, e no scéti, iant a podi passai diris bellas, interessantis e de imparu".