"A casinu sa crica". Cras sit in e mozioni po pediri a Cappellacci de lassai sa cadira

(IlMinuto) – Casteddu - 26 de su mes''e argiòlas - Cras at essi una diri difícili po su presidenti de sa Regioni Ugo Cappellacci. A sa discussioni de sa mozioni po s'ausenzia de fidúcia presentada de su centrusinistra at a fai difatis ecu su sit in "Cappellacci, dimettiti!", in programma a is 10.00 própriu a fac''e su Consillu regionali, in bia Roma.
Unu movimentu nàsciu in Facebook chi tenit comenti "primu firmatariu" su parlamentari de su Pd Guido Melis e in pagus diris at arregortu 680 "amigus".
Iscopu de sa manifestada - acrarant is aprontadoris - est, comenti est craru chi siat, - "pediri is dimissionis de Ugo Cappellacci de presidenti de sa Regione e una totali netesa morali chi nci boghit sa cricca e is afaris pagu pulius chi si tragat e chi tragant sa Sardigna".
A is 12.00 s'ant a uniri a sa protesta puru is precarius de s'Iscola de totu sa Sardigna, chi ant a lompi in Casteddu cun su "Treno della Cultura" Tàtari-Casteddu.