Zuncheddu (Rossomori): "In provìnzia de Núgoro su centusinistra creat unu blocu de poderi chi mandat ainnantis una situazioni pagu progressista"

(IlMinuto) - Casteddu, 11 de su mes''e làmpadas - "Pighendi in cunsidériu sa possibbilidadi ca su centrudestra si pighit sa provìnzia de Núgoro, in nesciunu casu sa responsabilidadi est de is Rossomori e nemmancu de àteras forzas progressistas, ma de su blocu de poderi chi mandat ainnantis una situazioni pagu progressista, unu centrusinistra chi in sa provìnzia de Núgoro no si movit po nudda, comenti puru in àteras partis de sa Sardigna". Est cantu narat sa consillera regionali e presidenti de is Rossomori, Claudia Zuncheddu, a pagus oras de su segundhu turnu de is elezionis in Sardigna.
In sa provìnzia de Núgoro is Rossomori no ant donau indicu de votu po Roberto Deriu, presidenti chi at finiu su mandau e candidau "uficiali" de su centrusinistra (chi in su primu turnu at gherrau cun su centrusinistra de is "rebbellus" guidaus de Efisio Arbau).
Zuncheddu narat ca sa responsabbilidadi de sa divisioni tra is progressistas nugoresus est de "una classi política chi est de sa parti de su centrusinistra, perou in is fattus no est progressista in is progetus e in sa guida de su poderi".