Tàtari: manifestazioni po sa libbertadi de Bellomonte, aMpI: "Interrau biu po is bideas suas"

(IlMinuto) - Casteddu, 5 de su mes''e làmpadas - Sighit sa lota de A Manca pro s'Indipendentzia po sustèniri a Bruno Bellomonte. A pustis de un'annu precisu de s'arrestu - acuntessiu su 10 de su mes''e làmpadas - su movimentu indipendentista e comunista at a cabai in praza in Tàtari po "esigiri de ponni allestru in libbertadi" su dirigenti suu. A Manca fissat duncas s'atóbiu po giòbia chi benit  (18.00, praza de sa Stazioni) e imbitat a cussus chi bollint sighiri a lotai po sa libbertadi de Bellomonte, chi comenti candidau a síndhigu de sa citadi de Tàtari at concuistau s'1,3 po centu de cunsensus (si puru ddoi siat stetiu un'annéulu totali de parti de is "media"). "Totus - si ligiti in d'una nota - funt imbitaus a portai is contribbutus próprius, is próprius bandheras e sa própriu bolla de libbertadi".
"Bruno Bellomonte - at declarau s'imbasciadori nazionali de Ampi Cristiano Sabino, depit essi libberau allestru poita no si podit dollorai ca siat interrau biu in d'unu presoni a milla e milla chilómitrus de domu scéti po is bideas políticas suas. Est arribbada s'ora de ddoi ponni sa faci. Cabaus in praza!".
Po ndi sciri de prus: www.ilminuto.info/ricerca.php?ricerca=bellomonte