In Tàtari arribbat sa campagna "Una città per l'Alzheimer". 15milla is malàdius in Sardigna

(IlMinuto) - Casteddu, 2 de su mes''e làmpadas - In Sardigna funt circa 15milla is personas malàdias de Alzheimer. Númerus destinaus a cresci in is annus chi benint po mori de un'imbeciamentu de sa genti. Po cumbàtiri custa forma de ammàchiu e promoviri is novas chi chistionint de sa maladia, in totu s'Italia est in cursu sa campagna "Una città per l’Alzheimer".
Unu progetu chi in custas diris est aghilliu in Tàtari. Su momentu prus importanti de s'atóbiu tàtaresu at essi s'apuntamentu cun su púbblicu
 in programma po cenàbara chi benit a is 17.30 in s'àula magna de sa Facoltadi de "Medicina e Chirurgia".
"S'Alzheimer, sa forma de ammàchiu chi ferrit prus personas in totus is istadus de s'ozidenti - si ligit in d'una nota - podit tenni unu cumenzu mudu mudu, cun disturbus de sa memória chi podint essi confúndius cun apretus normalis de s'imbeciamentu. Aici, prus de una borta, sa malàdia no podit essi connota in tempus e sa genti malàdia arribbat a sa bisita de su datori cun meda bistentu. Est imbecis importanti chi sa malàdia siat iscoberta debressi po cumenzai allestru sa cura".