Referendum po su nucleari: aMpI cumenzat sa campagna contra a su "colonialismu atómicu"

(IlMinuto) - Casteddu, 29 de su mes''e làmpadas - Puru a Manca pro s’Indipendentzia abetendi su referendum de s'atóngiu chi benit cumenzat sa campagna contra a su colonialismu nucleari. S'organizazioni indipendentista e de sinistra at a cumenzai sa campagna eletorali sua cras a merì, cun d'una assembrea in Usini (Bar Sensos, 19.00).
"Luegus - si ligit in d'una nota fatta connosci de s'ufíciu de imprenta de aMpI - seus cabaus in praza contra a dógnia ipótesi de fàbbricu po centralis nuclearis in Sardigna e contra a s'ipótesi de unu depósitu de ferrinas dannosas po sa saludi. Po custu motivu eus sustenniu s'arregota de is firmas po su referendum contra a su nucleari e immoi ddu bolleus promovi cun d'unus cantu atóbius fattus in is biddas, po fai arribbai sa genti nostra a un'oposizioni cuscienziosa ainnantis de un'àteru atu de colonizazioni fatta de su stadu italianu".
In Usini at ant fueddai su Diretivu nazionali de aMpI e Lorenzo Mocci, espertu de chistionis energeticas. Sa reunioni po chistionai de su nucleari at essi precédia custu merì in Lùvula de un'atóbiu in sa sedi de su Círculu Sos Enattos, a is 19.00. Is dirigentis de A Manca - si ligit in d'una nota - ant a presentai su programma políticu de s'organizazioni "po chistionai de sa cundizioni economica e sociali dràstica chi est corpendi sa terra nostra".