Progetu "Med-Laine": Su Campidanu de Mesu protagonista in Corsica

(IlMinuto) – Casteddu, 7 de su mes''e làmpadas - Sighit su progetu "transfrontaliero Med-Laine" tra Corsica, Sardigna e Toscana. Su 20 de su mes''e maju passau in Bastia s'est difatis reuniu su comitau guida de su progetu, cun sa participazioni de su Cnr-Ibimet de Tàtari, de sa Provìnzia de su Campidanu de Mesu, de sa Càmara de is Mestieris de sa Corsica, de sa Provìnzia de Tàtari, de s'Agenzia Regionali Agris e de sa Provìnzia de Grossetu.
Nàsciu in s'atóngiu de su 2009, "su progetu Med-laine bollit, est nau in d'una nota - ponni in campu abbilénzias chi siant rivoluzionarias, bollit creai e aplicai processus e prodotus nous po is impresixeddas e is impresas medias de sa massaria, de s'artesanau, de su turismu e de is aradroxus".
Is diris passadas in Corsica ant permitiu a su Campidanu de Mesu de concuistai una bella bisuali in sa televisioni francesa.
Su dirigenti de s'amministrazioni provinziali Alessandro Zedda at difatis participau a sa direta de su canali 'France 3 Corse Via Stella', "ammostendi - si ligit in su situ istituzionali - is cosas particolaris de su territoriu provinciali, is próprius caraterísticas e is vocazionis produtivas".