"Mai più morti bianche": cras sa primu Diri regionali in memória de chini est mortu po mori de su traballu

(IlMinuto) – Casteddu, 4 de su mes''e làmpadas - "Nos totus depeus lotai, denunciai diri po diri, ora po ora, segundu po segundu, ca su traballu no si depit trasformai in d'una tragédia, no depit essi sa fini de su sónniu de una vida". Funt custus is fueddus chi is aprontadoris de su grupu Facebook (cun casi 5milla iscritus) "Mai più morti bianche" ant sceberau po denunciai una chistioni sèmpiri atuali. In Sardigna, in su 2009, is mortus po mori de su traballu funti stetius difatis 36 cun d'un'aumentu de su 30,5 po centu si cunfrontaus cun cussus de su 2008 (fonti sindacali).
Su fundadori de su grupu Facebook, Ignazio Marras, est puru tra is aprontadoris de sa primu Diri regionali in memória de is ànimas mortas po mori de su traballu. S'apuntamentu est po cras in Igrèsias in praza Quintino Sella. Sa lamada s'at a serrai cun d'un'acumpangiamentu de pampas, prevìdia po is 19.00.