Industria. Assessori Angioni: "Unu bandu internazionali nou at a salvai Vinyls"

(IlMinuto) – Casteddu, 15 de su mes''e làmpadas - "S'istrada po sa salvesa de sa Vinyls est su bandu de gara internazionali nou chi su Guvernu bollit pubblicai tra pagu de unu mesi". Est cantu at afirmau oi s'assessori regionali de s'"Industria", Sandro Angioni, a sa fin''e de un'atóbiu in sa sedi de su Ministeru de su "Sviluppo economico", in Roma, cun sa participazioni de su sotosegretàriu Stefano Saglia.
A cantu narat Angioni de s'atóbiu est bessia una possibbilidadi de parti de s'Eni, meri de totu su ciclu de su croro. Un'atóbiu nou esti stetiu fissau po su 23 de su mes''e argiolas.
"S'atóbiu in sa sedi de su Ministeru de su "Sviluppo economico" - iant perou nau is traballantis Vinyls in su blog de s'ísula de is cassintegraus - no est àteru ca un'àteru fummu in is ogus, un'àtera inútili proa, e nos a custu puntu seus abbituaus a totu, una proa de fai parri ca su Guvernu siat fadendi calisisiat cosa po salvai sa chímica in Itàlia mentris no at fattu nudda".