Elezionis. Atzeri, Casula, Mereu e Caligaris: "Is socialistas cun su centrusinistra. Nemmancu unu votu po Farris"

(IlMinuto) – Casteddu, 9 de su mes''e làmpadas - "Is socialistas de sa Sardigna, in ocasioni de is ballotàgius in programma po domínigu chi benit ant a votai scéti candidaus espressaus de su centrusinistra". Ddu afirmant in d'una dichiara únia Paolo Atzeri, Emidio Casula, Lello Mereu e Maria Grazia Caligaris in nòmini de un'abbundanti grupu de socialistas de sa provìnzia de Casteddu. Nemmancu unu votu po su candidau de su Pdl Giuseppe Farris, nonostanti s'alleànzia eletorali de is socialistas cun su centrudestra de sa provìnzia de Casteddu. Sceberu eletorali - denunciant is socialistas "screnciosus" - "pigau senz''e nesciunu cunfrontu in is organísimus eligìus in su Cungressu". "Is arrisurtaus bellus otentus de is socialistas collocaus cun frimmesa in su centrusinistra su 30 e su 31 de su mes''e maju - si ligit in su documentu - cumprovant cun craresa ca sa furriada a destra imprimia a su Partidu in provìnzia de Casteddu no corrispundit a sa bolontadi de is iscritus e de is eletoris. Prus de cent'annus de istoria socialista no podint essi cumpromitius de sceberus personalis, puru poita is partidus no funt propriedadis privadas".