Elezionis amministrativas. Zuncheddu (Rossomori): "Elezionis (Rossomori): "Derrota maba po su centrudestra. Immoi soverania po sa Sardigna"

(IlMinuto) - Casteddu, 16 de su mes''e làmpadas - "S'arrisurtau de is elezionis de su 13 e 14 de su mes''e làmpadas at ammostau ca su centrudestra italianu, si puru at tentu s'agiudu de is "trupas colonialis", in Sardigna at pèrdiu mali anzis, si cunfrontaus is arrisuratus de is elezionis at tentu una derrota maba". Aici Caludia Zuncheddu, presidenti e consillera regionali de is Rossomori, cummentat is arrisuratus de su segundhu turnu de is elezionis amministrativas.
"Is númerus de cussus chi no funt andaus a votai est artu in dógnia logu - narat Zuncheddu - e portat a unu cunsidériu e a un'anàlisi de is càusas chi dd'ant fatta nasci e dd'ant pompiada. Est s'abbisu claru de is sadrus a totu su sistema políticu".
Cali at essi s'arrolu de is Rossomori in custu panorama de fidúcia scassa in sa "classi política sadra?". "Po is forzas progressistas sadras chi funt indipendentistas - finit sa presidenti de is Rossomori - s'oberrit unu panorama políticu nou chi at a serbiri a costruiri unu camminu de soverania e de asséliu economicu e sociali in Sardigna".