Elezionis amministrativas. Crescit sa renunzia a su votu. Is democraticus Milia e Deriu bincint in is urnas búidas

(IlMinuto) - Casteddu, 15 de su mes''e làmpadas - Crescit sa distànzia tra is citadinus e sa "classi política" sadra. Est cantu si podit ligi si castiaus a s'anàlisi de is númerus de chini at votau in su segundhu turnu de is provincialis (bollit nai ca in d'unu grupu de cuatru personas scéti una de custas at votau in provìnzia de Casteddu). Po is comunalis is númerus funt de unu a duus.
Est in custu panorama de ausenzia de sentidus po sa política ca s'insertat sa bitória de su centrusinistra sadru.
A Graziano Milia est bastau difatis su cunsensu de su 13 po centu de is eletoris po concuistai su 54,42 po centu de is votus e bincit cun ispantu contra a su candidau de su Pdl Giuseppe Farris (47,57 po centus).
Abarrant a su centrusinistra puru sa provìnzia "arrúbia" de Núgoro - cun Roberto Deriu (51,5 po centu) chi bincit contra a Luigi Crisponi -, s'Ogiastra - cun Bruno Pilia (51,41) chi superat a Sandro Rubiu (48,58) - e is comunus de Núgoro e Igrèsias.
Cosa istraordinària, si cunfrontada cun s'arrégula, est Pòrtu Turre, aundi unu grupu guidau de Beniamino Scarpa at bintu contra a su centrusinistra de Luciano Mura (Pd), chi lassat aici s'incàrrigu.