Dance World Cup Competition: in Terranòa 1500 atletas de totu su mundu

(IlMinuto) - Casteddu, 9 de su mes''e làmpadas - De su 30 de su mes''e làmpadas a su 10 de su mes''e argiolas Terranòa at essi sa capitali de sa danza. Sa citadi de sa Gallùra at a aghilliri difatis sa "Dance World Cup Competition", cun s'arribbu de circa 1500 atletas de su Canada, de su Giaponi, de s'Australia, de medas stadus de s'Africa e de s'Europa.
Sa "Dance World Cup Competition", nàscia in Germania in 1983, arribbat po sa primu borta in Italia a pustis de s'edizioni canadesa de su 2009.
"Tra is prus importantis de su mundu, sa gara - si ligit in d'una nota - e senz''e dúbbiu un'eventu mannu po sa Sardigna e po su turismu suu. Un'ocasioni ùnica po is giòvanus talentus de s'ísula, chi podint aici biri de acanta unu teatru internazionali".