Cumpostu (Sardigna Natzione): "Su parcu de su Gennargentu no at a passai. Is sadrus no dd'ant a permitiri"

(IlMinuto) - Casteddu, 23 làmpadas - "Est su sólitu mandiari, cambiant is ministrus e is guvernus ma, po su stadu italianu, su territoriu de sa Sardigna abarrat una doda a praxeri de cussus 'e totu, difatis dd'usant comenti bollint po is zerachias militaris, nuclearis e puru ambientalis". Est cantu afirmat su cordinadori nazionali de Sardigna Natzione Indipendentzia, Bustianu Cumpostu, cummentendi sa decisioni de su guvernu de insertai torra su Gennargentu in s'elencu annovau de is parcus naturalis de su Ministeru de s'Ambienti (pubblicau in sa "Gazzetta ufficiale" de su 31 de su mes''e maju).
Sa Regioni - annunziat su presidenti de sa Regioni Ugo Cappellacci - at a fai recursu contra a su provedimentu. "Sa lei - narat Cappellacci - previdit ca sa creazioni uficiali de su parcu depat essi fatta a pustis de unu precedenti acórdiu cun sa Regioni. Cust'acórdiu de parti nostra no esti stetiu mai fattu".
"Su ministru de s'"Ambiente" - precisat Cumpostu - s'est sbagliendi, cussu parcu est un'isprópiu de soverania, no est passau e no at a passai, is sadrus no dd'ant a permiti. No si lassit ingannai de su fatu chi medas de cussus s'emuzionant po is sortis de sa nazionali italiana. Su raportu chi tenint cun sa terra insoru est meda prus forti".