Ctm: isciòpiru de 24 oras. Rdb: "Si bollint portai agoa de medas annus"

(IlMinuto) - Casteddu, 10 de su mes''e làmpadas - Cras medas pullman de su Ctm no ant a lassai su depósitu casteddaiu de viale Ciusa. Is sindacaus Usb/Rdb Sardigna e Css ant difatis addiriu a is 24 oras de isciòpiru nazionali de is autistas.
"Si sighit - si ligit in d'una nota fatta connosci de s'Usb - a bolli segai is pagas e a pediri cundizionis de traballu chi portant agoa de medas annus custa categoria de traballantis: de s'oràriu de traballu a s'avaloramentu in dinai de s'arreposu e de sa saludi".
Is serbízius ant essi perou garentius in tres fàscias de oràrius: 7.30-9.30, 12.45-14.45 e 18.30-20.30.