"Atteros. Breve viaggio nel mondo dell’immigrazione": in Casteddu sa presentada de su film de Bepi Vigna

(IlMinuto) - Casteddu, 23 làmpadas - "Atteros. Breve viaggio nel mondo dell’immigrazione". Est custu su títulu de su film chi at a benni presentau custumerì a is 19.00 in is aposentus de su "Spazio Odissea", in Casteddu. Imbentau de su regista Bepi Vigna e prodúsiu de sa Karel e de s'Assóziu Culturali Hybris, su film - si ligit in d'una nota - "Bollit portai s'aspetadori in su mundu de is immigraus extracomunitarius in Itàlia cun atenzioni prus manna po sa Sardigna, no scéti ponendi in luxi is chistionis acapiadas a sa própriu cundizioni de traballantis furesteris, ma puru circhendi de cumprendi mellus is culturas e is baloris chi si portant".
A sa presentada, curada de Cristiano Bandini, ant a participai Vigna 'e totu e Raffaele Callia, responsàbbili de su Serbíziu "Studi e Ricerche" de sa legassia regionali Caritas Sardigna.