aMpI chistionat de su relatu de sa Banca d'Italia. "Po sa Sardigna sa crisi no at essi cruza. Única soluzioni s'indipendenzia"
(IlMinuto) - Casteddu, 24 de làmpadas - "Candu s'arribbat a su puntu assurdu aundi is colonizadoris 'e totu ammitint ca sa cundizioni de is colonizaus est meda mala, beh insaras bollit nai ca no s'arrenescit a arginai s'evidénzia de sa destrossa". Aici A Manca pro s'Indipendentzia cummentat is datus de su relatu annuali 2010 de sa Banca s'Itàlia asuba de s'economia de sa Sardigna.
Una fibera de índixis cun su signu negativu (sarbu su tassu de su disimpreu) chi ammostant unu cuadru disastrosu.
"Su Pil de sa Sardigna - si ligit in s'anàlisi de sa scuadra indipendentista e de sinistra - cabat a su –4,3%, cunfirmendi ca s'economia de sa Sardigna no scéti no crescit, ma adderetura torrat agoa. Is sacas crollant a su –43,9%, afortiendi sa cundizioni nostra de colónia, chi sendu tali no depit bendi is próprius prodotus ma depit importai e pagai cussus de is àterus. Is bendidas in is butegas cabant a su –2,5% svelendi ancora de prus sa destrossa de unu cumérciu sadru giai in genugu, prusatotu po mori de sa spainadura meda manna de is centrus po su cumérciu chi ant fattu unu desertu in custu cumpartu. Su relatu de sa Banca d'Itàlia acrarat ca su trasportu de is mercis andat a –17,4%, ma ci pensat duas bortas primu de nai ca s'Itàlia est scordonendi is ferruvias sadras e at serrau su scalu de su cumérciu de Figari".
Allarmantis is datus asuba de su disimpreu. Is statisticas fattas connosci de sa Banca d'Itàlia superant difatis de calincunu puntu percentuali is datus de s'Istat.
"Su livellu de disimpreu arribbat - precisat A Manca - a su 15,4% de sa forza traballu sadra. Ma s'arribbat a sa cifra maca de su 18,2%, si s'aciungint is cassintegraus e cussus chi oi funt is 'disconsolaus', est a nai cussus chi funt disocupaus crónicus e chi no tenit prus s'ispériu de agatai traballu".
Ammanniat su nùmeru de is passigeris trasportaus (+4,8 %) e de is arribbus de is turistas (+2%), ma s'est abasciau su nùmeru de is presénzias turisticas (-1,8%). Comenti ligi custus datus scéti in s'apparènzia contràrius? "Cussus chi lamant 'turistas chi benint a si portai arrichesa' - afirmat aMpI - funt in realidadi po su prus amigus o parentis chi arribbant innoi a fai calincuna diri de férias de óspitis, e no lassant dinai a is ristorantis, a is agriturismus, a is pizerias, a is albergus e a is campezus".
Sa soluzioni inditada de A Manca est s'indipendenzia. "No tocat a crei ca sa crisi sia cruza e at a passai debressi - precisat s'organizazioni indipendentista - po issus at a podi passai, po nos at a abarrai finzas a candu at a abarrai s'Itàlia. Sa Sardigna est sa pàtria de su Pópulu Sadru. Depeus difèndiri s'Ísula nostra! Depeus concuistai s'indipendenzia: o eus a essi unu pópulu líbberu o eus a essi unu pópulu de is tempus chi furiant, unu pópulu studau!".
Una fibera de índixis cun su signu negativu (sarbu su tassu de su disimpreu) chi ammostant unu cuadru disastrosu.
"Su Pil de sa Sardigna - si ligit in s'anàlisi de sa scuadra indipendentista e de sinistra - cabat a su –4,3%, cunfirmendi ca s'economia de sa Sardigna no scéti no crescit, ma adderetura torrat agoa. Is sacas crollant a su –43,9%, afortiendi sa cundizioni nostra de colónia, chi sendu tali no depit bendi is próprius prodotus ma depit importai e pagai cussus de is àterus. Is bendidas in is butegas cabant a su –2,5% svelendi ancora de prus sa destrossa de unu cumérciu sadru giai in genugu, prusatotu po mori de sa spainadura meda manna de is centrus po su cumérciu chi ant fattu unu desertu in custu cumpartu. Su relatu de sa Banca d'Itàlia acrarat ca su trasportu de is mercis andat a –17,4%, ma ci pensat duas bortas primu de nai ca s'Itàlia est scordonendi is ferruvias sadras e at serrau su scalu de su cumérciu de Figari".
Allarmantis is datus asuba de su disimpreu. Is statisticas fattas connosci de sa Banca d'Itàlia superant difatis de calincunu puntu percentuali is datus de s'Istat.
"Su livellu de disimpreu arribbat - precisat A Manca - a su 15,4% de sa forza traballu sadra. Ma s'arribbat a sa cifra maca de su 18,2%, si s'aciungint is cassintegraus e cussus chi oi funt is 'disconsolaus', est a nai cussus chi funt disocupaus crónicus e chi no tenit prus s'ispériu de agatai traballu".
Ammanniat su nùmeru de is passigeris trasportaus (+4,8 %) e de is arribbus de is turistas (+2%), ma s'est abasciau su nùmeru de is presénzias turisticas (-1,8%). Comenti ligi custus datus scéti in s'apparènzia contràrius? "Cussus chi lamant 'turistas chi benint a si portai arrichesa' - afirmat aMpI - funt in realidadi po su prus amigus o parentis chi arribbant innoi a fai calincuna diri de férias de óspitis, e no lassant dinai a is ristorantis, a is agriturismus, a is pizerias, a is albergus e a is campezus".
Sa soluzioni inditada de A Manca est s'indipendenzia. "No tocat a crei ca sa crisi sia cruza e at a passai debressi - precisat s'organizazioni indipendentista - po issus at a podi passai, po nos at a abarrai finzas a candu at a abarrai s'Itàlia. Sa Sardigna est sa pàtria de su Pópulu Sadru. Depeus difèndiri s'Ísula nostra! Depeus concuistai s'indipendenzia: o eus a essi unu pópulu líbberu o eus a essi unu pópulu de is tempus chi furiant, unu pópulu studau!".
© RIPRODUZIONE RISERVATA