Zuncheddu: Rossomori in praza contra a s'omofobia

(IlMinuto) – Casteddu, 13 de su mes''e maju - "Is diversidadis culturalis, etnicas e religiosas, comenti cussas de genia, in s'arrespetu insoru e in su cumprendhóniu de is próprius drammas e de cussus allenus, funt is únicas arrichesas chi pozant salvai diaderus sa genia umana de su sprufundhu de is ciancarronadas e de su balossímini otusu". Cun custus fueddus Claudia Zuncheddu, presidenti de is Rossomori, annunziat sa participazioni de s'organizazioni sardista e de sinistra a sa manifestazioni contra a s'omofobia in programma sàbudu a merì in Casteddu.
"Is diversidadis, de custas fadeus parti puru nos''e totu, is sadrus, e de custas seus fierus - precista Zuncheddu - funt una forza manna e una arrichesa manna, funt su pilloni de sentimentus de solidariedadi, de paxi tra is pópulus, e no de ódiu".