Vinyls. Giudici: "Immoi su Guvernu depit fai calencuna cosa"

(IlMinuto) - Casteddu, 14 de su mes''e maju - "Pedeus a su Guvernu de fai calencuna cosa po allebiai su dolori de custu territoriu e de si pigai is responsabbilidadis de cuss''e totu. Certu est ca iat a essi diaderus gravi iscobèrriri ca agoa de cust'àteru resultau negativu si cuant unu cummérciu políticu de dinai e un'usu de cust'istoria fattu a dannu de is traballantis e de is famílias insoru". Est cantu at nau Alessadra Giudici, presidenti de sa Provìnzia de Tàtari, cummentendi sa decisioni de sa Ramco de s'arretirai de s'afari po sa còmpora de sa Vinyls de Pòrtu Turre.
"Su primu pensamentu - at nau Giudici - est própriu po is traballantis, chi de mesis portant ainnantis una batalla chi tenit alluta s'ispera de totu su territoriu de no arrui.
Seus acanta de custus ancora una borta, in nòmini de totu sa Sardigna de su Nord Ovest".
"Eus fai dognia cosa chi est po nos possíbbili  - at nau sa presidenti de sa Provìnzia de Tàtari - po impediri ancora una borta ca custu territoriu siat su prémiu de una giogada chi si fait in àterus logus".