(Úrtim'ora) Aeroportu de Casteddu: traballantis lissenziaus ocupant is ufícius de sa Sogaer

(IlMinuto) - Casteddu, 27 de su mes''e maju - Ant ocupau de calencuna ora is ufícius de sa direzioni Sogaer de s'aeroportu de Casteddu e promitint de no lassai s'assembrea finzas a candu no ant essi arretiradas is líteras de lissenziamentu arricias s'11 de su mes''e maju. Funt 48 traballantis - totus cun d'unu cuntratu a tempu indeterminau - de is coperativas chi si ocupant de su scàrrigu e càrrigu de is mercis e de allichidiri is aéreus in s'aeroportu de Casteddu. Traballantis chi funti stetius lissenziaus totu in d'una borta de sa Sogaer, chi at sceberau de cicai genti in is agenzias de traballu "interinale".
"Su lissenziamentu - at denunciau su segretariu generali de sa Filt Cgil Sandro Bianco - est una cusseguénzia de su sceberu fattu de sa direzioni: andai in is agenzias "interinali", liendi su traballu a is coperativas e a 48 traballantis, chi perdint su traballu a pustis de prus de dex'annus de traballu".