Universidadi. Marco Meloni (Pd): "Cun sa riforma Gelmini tàglius po meda prus de unu milliardu de euru"

(IlMinuto) – Casteddu, 20 de su mes''e maju - "Sa protesta de is istudiantis, de is istudiosus e de is maistus est giusta: sa riforma de sa Gelmini cunfirmat is tàglius (prus de unu milliardu de euru) e no donat nesciuna isperànzia a is istudiosus, a cussus segurus e a is precarius". Est cantu afirmat cun d'una nota Marco Meloni, su responsàbbili "Università e Ricerca" de sa segreteria nazionali de su "Partito Democratico".
"Isperaus ca sa protesta - precisat Meloni - fazat afrontai a su Guvernu su tema de su cumenzu de sa carriera universitaria e cussu de sa cundizioni de is personas chi de annus faint funzionai s'universidadi, genti, totu custa, chi su Guvernu iat a bolli scéti bogai de su sistema".