Universidadi: in Casteddu dibbatidu po chistionai de su tempus benidori de su "Statutu" de is traballantis a 40 annis de candu esti stetiu aprobau

(IlMinuto) - Casteddu, 27 de su mes''e maju - "Su Statutu de is traballantis tenit 40 annus: it'esti stetiu e it'at essi". Est custu su tema de su cunvegnu aprontau de su "Centro studi di Relazioni industriali" in programma cras a merì in Casteddu (17.30, àula magna de Giurisprudenza).
Po s'apuntamentu ant a participai Giannu Loy, maistu de "Diritto del Lavoro", Mario Medde, segretariu regionali Cgil, Alberto Scanu, presidenti de s'"Associazione industriali Province della Sardegna meridionale", Italo Senes e Franco Manca, assessori regionali de su "Lavoro".
"Sa lei 300 de 1970 - est nau in d'una nota de s'ufíciu de imprenta - no est scéti una risossa de is assózius chi bollint essi su símbolu de is traballantis, ma un'ocasioni chi at a tocai totus is sugetus de s'industria".