"Suns": cumenzat s'edizioni 2010 de su Festival de sa canzoni in línguas minoris. Su 28 de su mes''e austu ddoi at essi sa finali

(IlMinuto) - Casteddu, 24 de su mes''e maju - "Suns", su Festival de sa canzoni in línguas minoris at a torrai a cumezai e at essi aprontau de s'Agenzia regionali po sa língua friulana.
Su cuncursu, bintu in su 2009 de Dr Drer e Crc Posse cun "Apu Biu", donat sa possibbilidadi de participai a su Liet International Festival: su progetu prus importanti in su campu de is línguas minoris.
"Ocannu puru - si ligit in d'una nota -, tra is grupus chi ant a participai, ant essi sceberaus is otus finalistas chi ant a sonai in d'unu cuncertu live chi s'at a tenni su 28 de su mes''e austu in praza San Giacomo in Udini. Scéti duus de custus grupus ant a podi arribbai a sa finali de su Liet chi s'at a tenni in Lorient, in Bretagna, in s'atóngiu chi benit".

Po ndi sciri de prus: http://www.minoranzelinguistiche.provincia.tn.it/