Su pensu de Marx comenti "bússola tra is istracias de su capitalismu". Ciclu de cuferénzias e proiezionis in Casteddu

13 Maju 2010
(IlMinuto) – Casteddu, 13 de su mes''e maju - "Crisi economica e l’attualità del pensiero di Karl Marx": at essi custu su tema de su ciclu de cuferénzias e de proiezionis "Actuel Marx" in programma de oi finzas a sa fine''e su mes''e maju in sa Saba Cosseddu de sa Domu de s'istudianti de bia Trentino, in Casteddu.
Sa cosa - aprontada de s'associazioni Antonio Gramsci - at a cumenzai custumerì a is 20.30 cun su film-inchiesta de Micheal Moore "Capitalism. A Love story". Tra is medas apuntamentus importantis est de signalai su dibbatidu "Il pensiero economico di Karl Marx: una bussola tra le tempeste del capitalismo?" (cenàbara 14 de su mes''e maju, 18.00) cun sa participazioni de su sociologu de su traballu, Gianfranco Bottazzi, de su diretori de sa ribista "Essere comunisti", Bruno Steri, e de su giornalista de "Il Manifesto" Francesco Piccioni.
"Actuel Marx" at a finiri su 27 de su mes''e maju cun sa proiezioni de "In questo mondo libero" de Ken Loach.
© RIPRODUZIONE RISERVATA
Tags