Presoneri drogau e sieropositivu morrit in Buoncammino

(IlMinuto) – Casteddu, 28 de su mes''e maju - "Unu presoneri tossicodipendenti maladiu e provau in su físicu, est mortu in cella. Candu una persona morrit in presoni est cun craresa una derrota po is istituzionis e po chini òperat aintru e a foras de is presonis". Est cantu afirmat Maria Grazia Caligaris, presidenti de "Socialismo Diritti Riforme", a pustis de sa morti de M.I. in d'una cella de Buoncammino, in Casteddu.
Su presoneri furiat drogau e sieropositivu. Nonostanti teniat diversas maladias e fessat faendi controllus po unu suspetu de tumori, M.I. iat arrefudau su ricoveru in su Centru Clinicu.
"Iat a depi in dógnia modu - precisat Caligaris - essi aghilliu, comenti cussus chi faint usu de drogas e chi finint in presoni po reatus comunus, in d'una istrutura fatta aposta, un'istrutura de 'custodia attenuata'. In Sardigna, perou, no ddoi est cust'oportunidadi e su ricoveru in is comunidadis terapeuticas est sèmpiri cumplicau".