Fonne afestat Nostrasignora de is Màrtiris a 400 annus de sa creazioni de su cumbentu francescanu

(IlMinuto) – Casteddu, 12 de su mes''e maju - At essi singulari s'edizioni de su 2010 de sa Festa de sa "Madonna dei Martiri"de Fonne: ocannu difatis funt is 400 annus de sa creazioni de su cumbentu francescanu in sa bidda (e tres séculus giustus de candu s'est cunsagrada sa Basílica a Nostrasignora de is Màrtiris). Is ermanus ant essi is aprontadoris de s'eventu - in programma domínigu 6 e lùnis 7 de su mes''e làmpadas - tanti amau de Grazia Deledda e Salvatore Cambosu.
Su momentu prus importanti de sa festa at essi ancora una borta sa grandu processioni de su lùnis a merì, cun Nostrasignora acumpangiada po is bias de sa bidda de is grupus in costumu, de s'"istangiartu" - corteu de cuaddus chi si fait in Barbàgia - e de totu sa comunidadi de is fidelis.
Is afestus religiosus ant essi comenti sèmpiri acumpangiaus de is afestus civilis. De signalai s'ispetàculu de is "Fichi d'India", in programma po domínigu a is 21.30 in su cortili de is Màrtiris.