Enogastronomia: Nicola Perra est su maistu de sa birra de s'annu

(IlMinuto) – Casteddu, 4 de su mes''e maju - Est sadru su maistu de sa birra de su 2009. Sa ribista web "Fermento Birra" at donau in is diris passadas a Nicola Perra de su Birrificiu Barley de Maracalagonis s'arreconoscimentu meda preziau. Perra esti stetiu elígiu de una giuria fatta de is espertus prus bravus de sa matéria.
"Unu prémiu, chi, a diferénzia de is classicus arreconoscimentus - si ligit in s'artículu chi annunziat sa bitória - no bollit valutai cantu est bella una birra in d'unu momentu precisu, ma prusaprestu s'abbilesa ténnica totali de su maistu de sa birra, sa filosofia sua, sa cura po sa cica de is produtus de calidadi".
Su Birrificiu Barley est nàsciu in Maracalagonis in su 2006, de una bidea de Nicola Perra e Isidoro Mascia. Is duus sózius ant ammanniau cun is annus sa fibera de is birras, fattas cun s'impiegu de ingredientis fillus de su territoriu: sa saba de su Cannonau fatta cun s'àgina de una bíngia insoru e cun is mebis biologicus.
In custu modu ant poziu creai birras po dognia stagioni, est a nai ca s'agatant in su mercau scéti in calincunu períodu de s'annu.