Elezionis. Is socialistas de Casteddu s'arrebbellant: "Nesciunu votu a su centrudestra"

(IlMinuto) – Casteddu, 6 mes''e maju - "Is socialistas de sa federazioni de Casteddu no ant a acozai is candidaus de su centrudestra in is comunus e in sa provìnzia de Casteddu puru si ant essi presentis cun su símbolu de su Psi". Est custa sa decisioni pigada, a sa fin''e de una reunioni, de unu grupu mannu de militantis de su "Partito socialista italiano". Tra custus Emidio Casula, Lello Mereu, Maria Grazia Caligaris, Paolo Atzeri e Giovanni Nonne.
Is socialistas sadrus 'fidelis a su centrusinistra' "denunciant puru su fattu ca is organísimus de su Partidu no funti stetius cracullaus po una decisioni pigada a livellu personali".
"Su Psi, su Partidu chi addirit a s'Internazionali Socialista e a su Partidu Socialista Europeu, est - acrarant - sa prus antiga unioni italiana nàscia de is batallas de mancebazioni de is traballantis, po custu no podit essi assimiliau a su centrudestra".