Elezionis. Sabino (aMpI): "Is autoridadis garentiscant su diritu de votu a Bellomonte"

(IlMinuto) – Casteddu, 17 de su mes''e maju - "At a benni garentiu su diritu de votu a Bellomonte?". Est cantu pedit cun d'una nota s'imbasciadori nazionali de A Manca pro s'Indipendentzia, Cristiano Sabino, a duas cidas de is elezionis amministrativas de su 30 e de su 31 de su mese maju.
"Comenti scieis - acrarat Sabino - Bruno Bellomonte, dirigenti de A Manca pro s’Indipendentzia, est in presoni de casi un'annu, in acastius cautelaris. Bellomonte est (acozau de una lista de A Manca) unu de is tres candidaus a síndhigu de Tàtari, ma si parrit ca is autoridadis no siant fadendi própriu nudda po ddi garentiri su diritu de votu".
"Dmandaus si su síndhigu de oi Ganau, si su prefetu, si sa presindenti de sa provìnzia Giudici siant ponendi in motu sa màchina po fai arrespetai su diritu de votu ativu e passivu de Bruno (finzas a proa contrària) po su fattu ca Bruno est unu citadinu sadru cun sa fedina penali pulia e est eletori de su comunu e de sa provìnzia de Tàtari".
"Si s'at a berificai un'oberta violazioni de is diritus civilis e políticus de Bruno Bellomonte, A Manca pro s’Indipendentzia - precisat Sabino - at a cunsiderai responsàbbilis políticus própriu is màssimas autoridadis de s'Italia in sa Sardigna 'e Tramuntana, est a nai su síndhigu chi est finendi su mandau suu, sa presidenti de sa provìnzia e su prefetu".