Elezionis: puru Sinistra Critica sustennit a Bellomonte. Appellu a "fuíresi de su votu bipolari"
(IlMinuto) - Casteddu, 12 de su mes''e maju - Puru Sinistra Critica "votat a Bellomonte". Cun d'una nota chi chistionat de is elezionis amministrativas in Sardigna su movimentu anticapitalista pompiat de votai a su militanti indipendentista e comunista, arrestau in su mes''e làmpadas de su 2009 e presoneri in Siano (Calabria) de su mes''e argiolas passau, po s'incarrigu de síndhigu de Tàtari.
Sinistra Critica - chi no at essi presenti in is elezionis de su 30 e 31 de su mes''e maju - imbitat a is eletoris a "no votai cun su botu bipolari" e fait un'anàlisi de is elezionis amministrativas in Sardigna.
In su tempus de su guvernu de is mercaus - aclarat su documentu - "sa política ammostat a su pópulu soveranu totu sa debbilesa sua e puru totu s'acódriu suu. In custa cundizioni "fuíresi de su votu bipolari" est un'azioni obbligada de saludi púbblica".
In custa cundizioni 'e totu - ispiegat su documentu - "su fàbbricu de un'organísimu políticu anticapitalista est una chistioni de responsabbilidadi po is forzas de sa 'sinistra antagonista': oi pérdias comenti is ísulas iscarescais de is úrtimus erois giaponesus, po mori de is ritardus suus e puru de is erroris fattus".
"Is ísulas ispainadas chi funt oi in campu ant fattu, cun is límitis de cussas 'e totu, totu cussu chi podiant fai: immoi ant a depi costruiri unu programma políticu reali e po sa genti".
"Perou - finit su movimentu anticapitalista - cunsideraus cun respetu s'isforzu de cussus cumpàngius chi in is prus diversas circustànzias ant presentau listas o candidaus chi ammostant calencuna cosa de diversu, in is elezionis comunalis de calincuna citadi e in is provìnzias".
"Speraus ca, aundi est possíbbili, si possant concuistai presénzias istituzionalis útilis, in d'un'orizonti comunu, po fai arrexinai su scontróriu soziali. Chistionaus, po arrexonis chi conosceus e po solidariedadi política, de sa candidadura de Bruno Bellomonte in su Comunu de Tàtari".
Sinistra Critica - chi no at essi presenti in is elezionis de su 30 e 31 de su mes''e maju - imbitat a is eletoris a "no votai cun su botu bipolari" e fait un'anàlisi de is elezionis amministrativas in Sardigna.
In su tempus de su guvernu de is mercaus - aclarat su documentu - "sa política ammostat a su pópulu soveranu totu sa debbilesa sua e puru totu s'acódriu suu. In custa cundizioni "fuíresi de su votu bipolari" est un'azioni obbligada de saludi púbblica".
In custa cundizioni 'e totu - ispiegat su documentu - "su fàbbricu de un'organísimu políticu anticapitalista est una chistioni de responsabbilidadi po is forzas de sa 'sinistra antagonista': oi pérdias comenti is ísulas iscarescais de is úrtimus erois giaponesus, po mori de is ritardus suus e puru de is erroris fattus".
"Is ísulas ispainadas chi funt oi in campu ant fattu, cun is límitis de cussas 'e totu, totu cussu chi podiant fai: immoi ant a depi costruiri unu programma políticu reali e po sa genti".
"Perou - finit su movimentu anticapitalista - cunsideraus cun respetu s'isforzu de cussus cumpàngius chi in is prus diversas circustànzias ant presentau listas o candidaus chi ammostant calencuna cosa de diversu, in is elezionis comunalis de calincuna citadi e in is provìnzias".
"Speraus ca, aundi est possíbbili, si possant concuistai presénzias istituzionalis útilis, in d'un'orizonti comunu, po fai arrexinai su scontróriu soziali. Chistionaus, po arrexonis chi conosceus e po solidariedadi política, de sa candidadura de Bruno Bellomonte in su Comunu de Tàtari".
© RIPRODUZIONE RISERVATA