"Contro il doping per lo sport": progetu de su Coni in is iscolas de sa provìnzia de Crabònia e Igrèsias

(IlMinuto) - Casteddu, 11 de su mes''e maju - Promòviri tra i prus giovuneddus sa cultura de sa lei aínturu de su sport e de sa pràtiga de cuss''e totu. Est custu s'iscopu de su progetu “Contro il doping per lo sport”.  A partiri de su mes''e cabudanni su progetu - promòviu de su Comitau regionali de su Coni e apogiau de s'Amministrazioni provinziali de Crabònia e Igrèsias - at a chistionai a is istudiantis de is úrtimus tres annus de is iscolas superioris de su territoriu.
"Atressu is dimandas fattas a is istudiantis - si ligit in d'una nota - s'at a fai una lastra de is cundizionis de s'informazioni in custu momentu, a pustis s'at a portai ainnantis una campagna de informazioni e de imparu chi at a agiudai is giòvanus a imparai su balori de su sport e de sa gara leali".