Comíziu de Bossi in Casteddu. In 800 prontus a zumiai su "senatur"

(IlMinuto) – Casteddu, 17 de su mes''e maju - A custu puntu est uficiali. Domínigu 23 de su mes'e maju Umberto Bossi at essi in Casteddu (praza Costituzione, 18.00) po unu comíziu chi s'at a tenni po acozai a sa lista de sa Lega Nord Sardinia (chi in provìnzia de Casteddu acozat a su "carcinosu" Piergiorgio Massidda).
S'arribbu de su "senatur" - precediu sàbudu passau de s'inaugurazioni de sa primu sedi leghista in Casteddu, in bia de Gioannis - at essi perou forsis aghilliu de is zumius. A 24 oras de sa nova funt difatis 800 is iscritus a su grupu Facebook "Diamo a Bossi e al suo 'partito' l'accoglienza che meritano" (cun d'un'immàgini símbulu aundi su "sobi de is alpis" si trasformat in d'una svastica). Àterus 97 ant addiliu a su grupu "Non vogliamo Bossi a Cagliari".
No totus funt de acórdiu cun is afirmaduras pubblicadas de su senadori Massidda in su própriu blog personali.
"Ita bollit nai ca sa Lega no amat sa Sardigna, si no ca si bollint torrai a portai in vida is modellus de sa sinistra contra a su partidu de Bossi? De sadru - scririt Massidda - meda cumbintu ca su futuru nostru est in d'una Repúbbrica federali, no pozu scarèsciri ca senz''e s'abbetiosa batalla de sa Lega, de federalismu s'iat essi fueddau pagu meda e, prusatotu, meda pagu siat essi fattu".