"Comitato per la territorialità della pena": "Negau su diritu de votu a Bruno Bellomonte"

(IlMinuto) – Casteddu, 24 de su mes''e maju - Àteru dannu a is diritus de Bruno Bellomonte. Su candidau a síndhigu de Tàtari de A Manca pro s'Indipendentzia no at a podi votai po mori de su mancau apricu de sa lei in matéria de territorialidadi de sa pena.
"S'impossibbilidadi de podi esercitai su diritu de votu ativu e passivu - afirmat su Comitau - est a nai de eletori e de candidau, est, po mori de su mancau apricu de sa territorialidadi de sa pena, un'àteru arrefudu de is diritus in is cufrontus de Bruno Bellomonte e de totus is presoneris sadrus chi s'agatant inserraus a foras de sa Sardigna".
Su dirigenti comunista e indipendentista "est impresonau de su 10 de su mes''e làmpadas de su 2009 in mesura cautelari, est a nai ca est ancora atrassau a giudíziu e po nudda cundennau".
Bellomonte est presoneri in su Presoni de Sianu (Catanzaru): "su presoni - precisat sa nota - prus atesu de sa residénzia e de sa família sua".
"No si podit no pigai atu e denunciai - concluit su Comitau - s'allonghiamentu de s'elencu de isolamentus e diritus negaus a Bruno Bellomonte e a chini s'agatat in sa própriu circustànzia".