Atene zerriat, Casteddu arraspundit. Custumerì sit in contra a "su dinai liau de Berlusconi, Papandreu e Zapatero"

(IlMinuto) – Casteddu, 20 de su mes''e maju - "Genti de Europa, arrebbellaisì!". Sa Sardigna arraspundit a s'apellu de is traballantis grecus trogonaus de sa crisi.
Custu merì in Casteddu (19.00, praza Costituzione) s'at a tenni difatis unu sit in de solidariedadi de su pópulu ellenicu, cun s'intentu de nai no a is tàglius annunziaus de su Guvernu Berlusconi.
At aprontau sa manifestazioni su Colletivu "in lota contra a s'Europa de is bancheris". Ant addiliu a sa cosa esponentis de diversas forzas socialis, políticas e sindacalis: "Cagliari social forum, Cobas, Rdb-Cub, Sinistra Critica, Prc, Rossomori, Pdci, Partito comunista dei lavoratori". De ariseru at addiliu puru Diego Soru de su Pdac.
"Asuta de is Diktat de s'Fmi e de sa Bce - si ligit in d'una nota - su guvernu 'socialista' de Papandreu at depiu straciai su programma eletorali chi dd'iat permitiu de binci is elezionis. Acitotu est fadendi in custas diris Zapatero".
A custus provedimentus s'est a pustis aciunta sa manuvra de 25 milliardus de eurus annunziada de su Ministru Giulio Tremonti.
"Sa lota nostra - acrarat su Colletivu - est de solidariedadi internazionali, de contrainformazioni e de oposizioni a is políticas de su guvernu Berlusconi".