In Aristanis sighit "Il maggio della Torre": domínigu chi benit apuntamentu cun su "florovivaismo"

(IlMinuto) – Casteddu, 4 de su mes''e maju - Una fibera de diris a tema chi ant a chistionai de is produzionis de s'aristanesi: is mustazolus, su "florovivaismo", is prodotus biologicus, is majolicas e sa varnàcia: est custu su programma de "Il maggio della Torre" chi s'at a tenni totus is domínigus de su mesi in su burgu de Turri Manna in Aristanis.
A su primu apuntamentu dedicau a is mustazolus (2 de su mes''e maju) at a sighiri domínigu chi benit sa diri chi tenit comenti tema su "florovivaismo". "Sa manifestazioni - acrarant is aprontadoris in d'una nota - tenit puru s'obbietivu de animai sa vida economica de su burgu de Turri Manna, chi, a oi, connoscit su própriu acrescimentu scéti in is tres mesis de s'istadi. S'est aici pensau de imbentai unu domínigu a tema po dognia prodotu caraterísticu e custus ant essi acumpangiaus de ispetàculus e eventus de mercau".