Vertenza Vinyls: lùnis atóbiu istraordinàriu de su Consillu comunali de Tàtari in S'Asinàra

(IlMinuto) – Casteddu, 16 de su mes''e arbili - No si struncat sa cadena de solidariedadi ingíriu de sa Vinyls. Lùnis at essi difatis su Consillu comunali de Tàtari a andai in S'Asinàra po discútiri de is chistionis de su traballu de su territoriu.
S'assembrea cívica at atobiai in s'isola chi de prus de 50 diris aghillit sa protesta de is traballantis de s'istabilimentu de Pòrtu Turre. "Is consilleris - est nau in d'una nota - s'ant a biri a is 8.30 in su portu de Istintinu po s'imbarcai in su traghetu po Fornelli".