Sardegna Democratica: sàbudu in Casteddu assembrea po chistionai de S'"Isola de sa connoscénzia". At a chistionai Soru.

(IlMinuto) - Casteddu, 22 de su mes''e arbili - "Per un’Isola della conoscenza". Est custu su tema de s'atóbiu aprontau po sàbudu 24 de su mes''e arbili in Casteddu (10.30, Hotel Mediterraneo) de Sardegna Democratica.
Su coru de s'atóbiu ant essi "is políticas de sa connoscénzia nàscias cun sa giunta Soru e oi meda in crisi po mori de sa mancànzia de abbilénzia, s'ausénzia de unu progetu e de una bisioni de parti de sa giunta Cappellacci".
Tra is àterus, in s'assembrea - chi at essi guidada de su giornalista Giacomo Mameli - dd'ant essi is istudiosus de economia Stefano Fassina, Marco Simoni e su leader de Sardegna Democratica Renato Soru.
"Po vitai is spantus de sa giunta Cappellacci - si ligit in d'una news de Sd - tocat a si movi e a fai intendi sa boxi nostra. Cumenzaus de sàbudu".