Sa Cgil narat no a sa riforma de su diritu de su traballu. Lúnis atóbiu in Casteddu

(IlMinuto) - Casteddu, 21 de su mes''e arbili - Nai no a sa lei de riforma de su diritu e de su processu de su traballu torrada a mandai agoa a pustis de essi stetia bullada de su Presidenti de sa Repubblica. Cun cust'iscopu sa Cgil at aprontau po lúnis 26 de su mes''e arbili, a cumenzai de is 10.00, un'atóbiu in Prazza Palazzo, a facc''e sa Prefettura de Casteddu.
"Sa Cgil de Casteddu - si ligit in d'una nota sindacali - at mandau una dimanda formali a su Prefettu de Casteddu, po atobiai cun d'unu grupu de personas chi ant a manifestai e ant a ammostai is arrexonis e is propostas insoru po modificai sa lei". Po s'atóbiu ant giai addiriu is rapresentantis de is istituzionis, is consilleris regionalis, is parlamentaris, is abbogaus, is legistas e is professoris de s'Universidadi.