"Obiettivo Sardegna": Gherradores de Ligios oberrit sa II edizioni de sa rassigna fotografica de Utieri

(IlMinuto) – Casteddu, 16 de su mes''e arbili - At a cumenzai custumerì cun sa presentada de su líbburu fotograficu "Gherradores" de Salvatore Ligios (18.00, Centru culturali San Francesco) sa segunda edizioni de sa rassigna "Obiettivo Sardegna" de Utieri. Puru ocannu s'apuntamentu est dedicau a is líbburus fotograficus chi contant s'Isola atressu de is immàginis.
"Sa presentada de is líbburus, calincunu de tipu scientíficus, aterus de tipu artisticu - si ligit in d'una nota - est scéti s'iscusa po contai is diversas bisuras de s'Isola nostra, atesu de is cliché e de is pensus bambus".
Comenti s'annu passau is òperas de su programma ant essi presentadas atressu sa proiezioni de unu scioberu de fotografias e ant essi ammostadas de importantis rapresentantis de sa cultura sadra comenti Manlio Brigaglia e Paolo Pillonca.
In is aposentus de s'ex cumbentu francescanu at essi allestia puru sa mostra fotografica chi nascit de is líbburus.