Nucleari o àterus tipus de energia? Cras in Terràrba cunvegnu de su comitau "Atera Energia"

(IlMinuto) – Casteddu, 23 de su mes''e arbili - "Nucleare o fonti energetiche eco-sostenibili?" Prospettive per il nostro territorio". At essi custu su tema de su convegnu aprontau de su comitau "Atera energia pro sa Sardigna - Terralba" in programma cras a is 17.30 in su Teatru Cívicu de su comunu de su Campidanu de Aristanis. Po s'atóbiu ddoi ant essi, tra is àterus, Andrea Olla de su "Cagliari Social Forum", Nicola Culeddu de su Cnr e Luca Soru de s'"Agenzia per l'Energia sostenibile" de Aristanis.
"Su comitau - si ligit in d'una nota - nascit in data 15 de su mes''e marzu de su 2010 de unu grupu de citadinus, chi cun s'organizazioni de una fibera de atóbius cun sa populazioni (talorta agiudaus de sa presénzia de espertus in matéria) bollint interessai s'opinioni púbblica a is chistionis de s'energia: chistionis acapiadas a s'energia nucleari e a sa possibbilidadi de adotai, po sa terra nostra, àteras políticas energeticas chi no siant su nucleari".