Ex Nuova Scaini de Biddexidru: progetus de traballu po is 83 dipendentis

(IlMinuto) – Casteddu, 12 de su mes''e arbili - Acórdiu fattu po is 83 traballantis de s'ex Nuova Scaini. Is dipendentis - arribbaus a sa cuarta e ùltima pròroga de sa mobilidadi "in deroga" - ant a podi essi impitaus in is progetus de traballu chi is entis ant a presentai tra pagu tempus.
S'acórdiu esti stetiu firmau oi de s'assessori regionali de su "Lavoro", Franco Manca, e de is rapresentantis de is provìnzias e de is comunus protagonistas.
Is progetus, finanziaus finzas a su 31 de su mes''e paschixèdda de su 2010, ant a podi biri sa participazioni de is impresas e ant a podi essi annovaus in is annus chi benint.