Casu Dop. Sa Giunta donat 1,5 millionis de eurus po s'imparu a sa cosa 'e papai

(IlMinuto) – Casteddu, 7 de su mes''e arbili - S'imparu a sa cosa 'e papai intrat in is iscolas de sa Sardigna. Sa Giunta regionali at difatis aprovau una delíbbera chi donat unu millioni e mesu de eurus cun s'obbietivu de "educai is giòvanus a su comsumu de prodotus de su territoriu e prusatotu de su casu chi tenit su marcu Dop (Pecorinu romanu, Pecorinu sadru e 'Fiore sardo)".
"Sa summa donada no est meda arta - at cummentau su presidenti de su Cunsórziu de Tutela de su Pecorinu sadru Toto Meloni - ma pensu ca siat scéti su cuminzu de una trassa chi sa Sardigna at bófiu principiai".
Sa campagna - est acrarau in d'una nota - at a benni fatta po cust'annu iscolasticu e puru po cussu chi depit benni e previdit butegas sensorialis, bisitas guidadas, cuncursus a prémiu e atastus.