Atletica: 400 atletas in sa V edizioni de sa mesu maratona de Pischeredda

(IlMinuto) – Casteddu, 28 de su mes''e arbili - Ant essi pagu prus de 400 is atletas chi ant a fai is 21 chilómitrus de sa V edizioni de sa mesu maratona de Pischeredda, in programma po domínigu duus de su mes''e maju in sa zona úmida de su comunu de Nurachi. "Sa mesu maratona de Pischeredda - si podit ligiri in d'una nota fatta connosci de is aprontadoris - rapresentat, tra is garas standard Fidal in Sardigna, una gara de bonu livellu e tra is prus participadas, sinnada prusatotu de su tipu de caminu, una parti in asfartu e s'àtera in s'istrada bianca chi si sboddicat in d'una parti de sa laguna manna de Crabas, chi allacanat cun su territoriu de Nurachi".
S'edizioni 2010 at a aghilliri puru s'VIII campionau de sa mesu maratona de is atletas maladius de schirru. Unu caminu de cincu chilómitrus at essi aprontau po is amantis de custu sport chi no funt tesseraus. Is garas de su 2 de su mes''e maju ant essi precedias in sa diri de sàbudu de unu cunvegnu scientificu (sedi e ora funt ancora de fissai) aundi s'at a chistionai de s'acàpiu tra s'atividadi física e su metabolismu energeticu.