Apuntamentus: de su 23 a su 25 de su mes''e arbili Vithi afestat San Giorgio

(IlMinuto) - Casteddu, 22 de su mes''e arbili - Cuaddus e cuadderis, processionis cun is costumus chi benint de totu s'Isola e puru arregodus de is costumus medievalis de sa bidda. Funt custas is cosas chi faint istraordinària sa Festa de San Giorgio, in programma in Vithi de su 23 a su 25 de su mes''e arbili.
Ocannu sa Festa chi arregodat su santu amparadòri de sa dibba in provìnzia de Nùgoro est aprontada de is giòvanus de sa leva 1985.
"Una festa de stili, pensada po atirai mannus e piticus, genti de Vithi e turistas", ispiegant is giòvanus de bintixínc'annus atressu sa buca de su presidenti insoru Virgilio Rusca. "Sa festa de San Giorgio - acrarat su rapresentanti de is giòvanus de Vithi - interessat totu sa bidda e est po custu chi eus pensau e aprontau diversus atóbius chi bint participai puru is famílias. In prus seus cumbintus ca custa siat diaderu un'ocasioni bella po cussus chi no connoscint Vithi, po dda podi iscobèrriri e po ndi podi chistionai cun is vithesus".
Tra is apuntamentus de no perdiri dd'at essi sa serada folk in prazza (cras a is 20.00) cun is grupus de Uddusò, Drugàli, Santu Lussurzu, Sestu cun is launeddas, Biddamànna e is Tenores Santa Rughe de Otzàna, Santu Sidore de Orùne e Monte Bannitu de Vithi.