Angela Nonnis lassat s'incàrrigu. Su síndigu de Aristanis acusat sa própriu mazorànzia: "Pagu arrespetu po sa legalidadi"

(IlMinuto) – Casteddu, 27 de su mes''e arbili - "Pagu trasparénzia e scassu arrespetu po sa legalidadi". Funt custas is acusas chi Angela Nonnis at fattu ariseru a is esponentis de sa própriu mazorànzia de centrudestra in su Consillu comunali de Aristanis. Acusas chi ant portau su primu citadinu de ponni in sa mesa is próprius dimissionis.
Nonnis, chi de immoi tenit 20 diris de tempus po torrai a cambiai bidea, at donau sa curpa de su mancau aprou de su "Piano urbanistico" comunali, chi sa citadi abetat de 40 annus, a su centrudestra.
Própriu ariseru sa mazorànzia iat arrefudau sa proposta fatta de su primu citadinu de discuti su Puc intru su 30 de su mes''e arbili, decidendi unu rinviu a su 7 de su mes''e maju.