"Zitti, zitti... piano, piano": in su Lirico de Casteddu ispetàculu de música po is iscolas cun Massimiliano Medda

(IlMinuto) - Casteddu, 24 de su mes''e marzu - Torrat a cumenzai s'atividadi de su Teatro Lirico de Casteddu po is iscolas. De ariseru finzas a su 27 de su mes''e marzu in su teatru de Casteddu est difatis in programma - dognia mangianu a is 11.00 - s'ispetàculu "Zitti zitti... Piano, piano", presentau de Massimiliano Medda de La Pola.
Po s'ocasioni, sa verve de s'atori cómicu casteddaiu at essi afiancada de sa performance de Pierpaolo Corda e de is istudiantis, chi cun costumus e strumentus de teatru, ant a giogai cun is músicas, de Mozart a Rossini, propostas de s'Orchestra de su Liricu.